Кинилэринэн киэн туттуохтаахпыт
Ахсынньы 9 күнүгэрСахасирэАҕадойдуГеройдарынкүнүнкиэҥдалааһыннаахтыкбэлиэтээтэ.
Бу ытык күн биһиги Тиксиибитигэр “Айхал” сынньалаҥ киинигэр тыыл, үлэ бэтэрээннэригэр анаммыт “Арктика, эн дьонуҥ” диэн ааттаах дьоро киэһэ тэриллэн ааста. Бу киэһэни иилээн-саҕалаан, улуус бэтэрээннэрин Сэбиэтэ ыытта.
Улуус баһылыга К.Н. Шахурдин кырдьаҕас ытык дьоммутун бу бэлиэ күнүнэн, оройуоммут 85 сылын туолбут үбүлүөйүнэ эҕэрдэ тыл эттэ. “Эһиги Булуҥ улууһун сайдыытыгар элбэх сыраҕытын биэрбиккитигэр махтанабыт уонна инникитин даҕаны улууспут сайда туруо диэн эрэнэбит”, - диэн тылларынан түмүктээтэ. Дьоро киэһэни “БТР” бөлөх ырыаһыттара киэргэттилэр.
Оройуон бэтэрээннэрин Сэбиэтин бэрэссэдээтэлэ Марфа Андреевна Филиппова-Булунская ытык кырдьаҕастарга истиҥ-иһирэх эҕэрдэ тыл эттэ уонна Бочуотунай грамоталары туттартаата.
Ырыа ахсын ытык дьоммут эдэр саастарын санаан үҥкүүлээн тэйдилэр.
Бырааһынньыктааҕы нүөмэрдэр кэнниттэн тэрээһин ыалдьыттарын дэлэй астаах-үөллээх остуолларга ыҥырдылар. Чэйдээһин бириэмэтигэр бэтэрээннэргэ араас оонньууну оонньоттулар. Оонньуу бэрт көхтөөхтүк ааста.
Харысхан Попов
Ааптар хаартыскаҕа түһэриитэ