Доруобуйа десана көрдө-иһиттэ
Кулун тутар 29 күнүгэр Доруобуйа десана Хара-Уулаах нэһилиэгэр сылдьан кэллэ («АМ» №36). Бу Десаҥҥа дьиэ кэргэҥҥэ уонна оҕоҕо көмөлөһүү киинин психолога М.Н. Винокурова, опека уонна попечительства специалиһа В.В. Моисеенко уонна сокуоннай саастарын ситэ илик оҕолор дьыалаларынан дьарыктанар инспектор И.Н. Кондакова киирдилэр. Специалистар оскуола оҕолоругар уонна кинилэр төрөппүттэригэр бэсиэдэ, мунньах ыыттылар. Бу туһунан Ирина Николаевна сиһилии кэпсиир:
– Найба нэһилиэгэр оскуола үөрэнээччилэрин төрөппүттэригэр анаан “Оҕону иитии – төрөппүт эппиэтинэһэ” диэн мунньах ыыттым. Төрөппүттэр бэрт көхтөөх кыттыыны ыллылар. Үөрэнээччилэргэ “Улаатан эрэр оҕо уонна сокуон” диэн ааттаах правовой лекцияны аахтым. Бу тэрээһиҥҥэ төрөппүттэр да, оҕолор да бэйэлэрин интириэһиргиир боппуруостарыгар харда ыллылар. Ону таһынан опека уонна попечительство
киинин сүрүннүүр специалиһа, дьиэ кэргэҥҥэ уонна оҕоҕо көмөлөһүү киинин уонна улуус үөрэҕирии управлениетын психологтара, Хара-Уулаах оскуолатын социальнай педагога буолан опекаҕа сылдьар оҕолордоох дьиэ кэргэннэргэ сырыттыбыт, ол курдук барыта 13 дьиэни көрдүбүт. Оҕону иитээччи дьоҥҥо интириэһэргиир боппуруостарыгар специалистар консультация биэрдилэр.
Улууспутугар хас сылын аайы маннык Десан үлэлиирэ, чопчулаан өйдөтүү үлэ ыытыллара киһини үөрдэр.
Харысхан ПОПОВ
Ааптар хаартыскаҕа түһэриитэ