Эстрада театрын артыыстара дьон кутун тутуон туттулар

Бу сыл Булуҥ улууһугар маннык элбэх артыыс кэлбэтэҕин кэлэн барда. Артыыстар муус устар 3 күнүттэн барыахтарыгар диэри Тиксиигэ, улуус нэһилиэктэринэн сылдьан кэнсиэрдэрин көрдөрөн дьон кутун тутуон туттулар.

Эстрада театрын ырыаһыттара Сайсары Куо, Айгылаан уонна “Айархаан” бөлөх Булуҥҥа  аан бастаан кэлбиттэрин туһунан сыр­даттылар. Хоту, Булуҥҥа кэлэл­лэрин истэн утаа долгуйбуттар да, куттаммыттар да. Ыал­дьыттар хаһан даҕаны хоту дойдуга сыл­дьыбатах дьон, Булуҥ сирэ-уота модунун көрөннөр наһаа ас­тыммыттар, сөбүлээбиттэр. Нэһи­лиэктэринэн сылдьан айан бөҕө­нү айаннаан, араас техни­ка­нан барытынан сылдьыбыттар, ба­рыта анаммыт курдук, кэмиттэн кэмигэр сөп түбэһэн, сылаас күннэр туран сырыы­ла­ра наһаа үчүгэйдик табыллыбыт.

“Биир улуус диэтэххэ нэһилиэк-тэр тус туһунан тыыннаахтар эбит”, – диэн састаап саамай эдэр ырыаһыта Сайсары Куо санаатын үллэстэр.

“Айархаан” бөлөх кыттыылааҕа Нарыйаана Саха сирин хоту дой­дутун көрбүт киһи диэн баҕа са­наата Булуҥ сиригэр туолбутун этэр. Ол курдук, ар­тыыс­тар Күһүүртэн Тиксиигэ диэри “Бурааннарынан” айаннаабыттара өйдөрүгэр-са­наа­­ларыгар умнуллубаттыы хаалбытын астына кэп­сиил­лэр.

Та­баһыттар Сүлүөттэрин, хоту дой­ду дьонун күүтүүлээх бы­раа­һынньыктарын, табалар  сүүр­дүүлэрин көрөн, астына дуо­һуй­буттар. Ол эрээри табалары ба­рахсаттары хайдах сүүрдэллэрин, таһаҕас тиэйэллэрин, үрдүгэр оло­рон миинэллэрин, онуоха эбии сы­лайан кэлбит табалары кытта хаар­тыскаҕа түһэллэрин көрөн аһым­­мыттар.

“Киһи сатаан тылынан этэн тиэр­дибэт, биир тылынан эттэххэ бу сырыыттан, барытын бас­та­кыбын көрөр буоламмын умнуллу­бат өйдөбүл хаалла”, – диир Ай­гылаан.

Эрхаан, салайааччы:

– Манна бүтэһигин 8 сыл анараа өттүгэр сылдьыбытым. Булуҥҥа хамаанда тэринэн кэлиэхпин ба­ҕар­бытым ыраатта. Култуура Ми­нис­тиэристибэтин өҥө­тү­нэн уонна сорудаҕынан, эс­трада театра хоту улуустартан алта улууһу быйыл хабан үлэлиир, мин тута Булуҥ улууһун талбытым. Кэп­сэтиитэ эрдэттэн барбыта. Дириэк­тэрбит Алексей Егоров хамаандата та­лын диэбитигэр, састааппар Хоту дой­дуга сылдьа илик эдэр дьо­ну ылам­мын уонна доҕорбун, атас­пын Байбал Сэмэнэби киллэ­рэн хамаанда тэриммитим. Нэһилиэк­тэри бар­ытын хабыахтаахпыт диэн сыал-сорук туруоруммуппут. Кэ­лиэм ин­ни­нэ дойдубар тиийэн эбээбит­тэн күүс-сэниэ, сүбэ-ама ылан, арчылатан, айылҕабыттан көр­дө­һөн кэлбитим. Биир тылы­нан эт­тэххэ, арчыламмыт айан буолла. Үчүгэйдик илдьэ сылдьыбыт­тарыгар айыылар­бытыгар, муора­бы­тыгар, Өлүөнэ эбэбитигэр мах­талбыт муҥура суох.

Култуура управлениетын сала­йаач­чыта Туя­ра Ивановна бэйэтин оҕо­лорун курдук илдьэ сырытта. Ил Дархан Булуҥ улууһугар бэ­рэс­тээбитэлэ   Игорь Кудряшов кө­мөтүнэн, киһи ыл­лын да мээнэ  тиийбэт ыраах нэһилиэктэргэ бөр­төлүөтү кэтэһиннэрэн, нэһи­лиэн­ньэҕэ кэн­сиэрдэри бэлэхтэтэн, дьон биһи­рэбилин ылан кэллэхпит. Мин эрдэттэн артыыстарбын үчүгэй­дик илдьэ сылдьыам диэн бы­лаан­наммытым, ол курдук бу сы­­рыыттан бииргэ үлэлиир та­баа­­­рыс­тарым чахчы үчүгэйдик сылдьан баран эрэллэриттэн үөрэ­бин – санаторийга сыл­дьыбыт кур­дук саныыллар. Онон Бу­луҥҥа ин­никитин санаторий ары­йыахха наада (күлэр). Кэлин түүл-бит кур­дук саныырбыт буолуо, на­һаа үчүгэйдик сырыттыбыт, ман­нык өссө сылдьа илик­пит.

Кө­рөөччүлэрбитигэр ула­хан мах­­тал­бытын тиэрдэбит, эһиги баар буолаҥҥыт биһиги, артыыс­тар баарбыт, айабыт-тутабыт. Инни­китин даҕаны кэлиэх­пит диэн эрэннэрэбин. Дьиэ кэргэммин кытта кэлэн улахан концерт оҥоруохпун баҕарабын, ол баҕа санаабыт туолуоҕа диэн бигэ эрэллээх хаалабын. Булуҥ улууһугар, кини олохтоохторугар улахан мах­талбын тиэрдэбин.

Харысхан ПОПОВ

Ааптар хаартыскаҕа түһэриилэрэ