Мэник-тэник оҕо саас

«Айыы күн оҕото» диэн ааттаах тэрээһиҥҥэ Оҕо көмүскэлин күнүгэр Бороҕон нэһилиэгэр кырачаан дьоммут сынньанар кииҥҥэ үөрэ-көтө муһуннулар. Бырааһынньык эҕэрдэ концерынан арылынна. Фаеҕа оҕолор кыра сылдьан уруһуйдаабыт хартыыналарынан быыстапка тэрилиннэ, ол уруһуйдаабыт оҕолор билигин үрдүк кылаас үөрэнээччилэрэ, кинилэр ону көрөн олус үөрдүлэр, соһуйдулар.

Ону таһынан оҕоҕо анаммыт кинигэ быыстапката эмиэ туруорулунна.  Араас оонньуулар, күрэхтэр ыытылыннылар. Ол курдук, «Музыка оҕо дууһатыгар» диэн музыкальнай күрэххэ Яна Старостина кыайан, сыаналаах бирииһинэн наҕараадаланна. «Кырааскалаах оҕо сааһым» уруһуй күрэҕэр Осипова Тайаана уонна Соловьев Радмир кыайан бириис ыллылар. Онтон улахан кылаастар үс түһүмэхтээх («Мир сказки», «Парк юрского периода», «Мультик геройдара») викторинаҕа икки хамаанданан кытыннылар.

Кэнсиэри «Кэнчээри» оҕо саад иитиллээччилэрэ кэлэн киэргэттилэр. Пародия күрэхтэһиитигэр кырачаан артыыстарбыт  кэлбит дьон  дохсун ытыс тыаһын ыллылар. Түмүккэ кумааҕы фейерверк ытылынна. Кэлбит оҕо бука бары илии тутуурдаах, сыаналаах бириистээх дуоһуйан-астынан тарҕастылар.

Мария Иванова,

общкор., Намыы