Уран Төрүт ииһи сөргүтэллэр
Саха народнай суруйааччыта Василий Семенович Яковлев-Далан “Тыгын Дархан” историческай арамаанынан уус-уран киинэ уһуллуута күүтүллэр. Киинэ уһуллуутугар туох бэлэмнэнии үлэлэрэ бара туралларын туһунан биһиги корреспондеммыт Саха театрын художнигын Дария Петровна Дмитриевалыын көрсөн кэпсэттэ.
Онно кэрэхсэбиллээҕэ диэн, биир сүрүн бэлэмнэнии – 16-17 үйэтээҕи сахалыы таҥаһы тигии. Ол тэрээһиҥҥэ биһиги биир дойдулаахтарбыт – Булуҥ оройуонун Күһүүрүттэн төрүттээх иистэнньэҥ талааннаах дьон –эдьиийдии-балыс Галина Егоровна Васильева уонна Валентина Егоровна Романова – күүс-көмө буолан иистэнэ олороллор.
“Бу историческай романынан уус-уран киинэ уһуллуутугар бэлэмнэнии үлэлэр саҕаламмыттара. Киинэни режиссер Никита Иннокентьевич Аржаков туруорар, художник-постановщик Петр Николаевич Бояркин, оператор – Юрий Бережнов.
Сүрүн 16-17 үйэтинээҕи Тыгын буойун дьонун таҕаһын историктар, археологтар, учуонайдар чинчийиилэригэр тирэҕирэн, онно бэйэбит көрүүбүтүн тэҥнээн көстүүмнэри тигиини саҕалаабыппыт. Үлэбит улахан, икки-үс сылга барар үлэ. Буойун бэргэһэтиттэн, үтүлүгүттэн саҕалаан, этэрбэһигэр тиийэ тигиллэр. Мин Галялаах Валялыын 2012 с. Тааттаҕа Мандар уус кыһатын оскуолатыгар курска сылдьан билсибитим. Улахан талааннаах иистэнньэҥ буолалларын онно билэн үлэҕэ ыҥырбытым. Көстүүмнэри маастар Антонина Габышева бэлэмнээн, киэби быһан биэрэр, кинилэр тигэллэр”. – диэн Дария Петровна кэпсээтэ.
Оттон Галялаах Валяны кыраларыттан Күһүүргэ аатырбыт иистэнньэҥ эбэлэрэ – Мария Николаевна Винокурова – иискэ сыһыаран үөрэппитэ. Билигин сын ньалаҥҥа олороллор, онон Саха сирин историятыгар киирэр улуукан киинэҕэ иистэньэҥ быһыытынан күүс-көмө буоллахтара. Биир дойдулаахтарбытыгар үлэлэлигэр ситиһиини баҕарыаҕыҥ!
Татьяна СЛЕПЦОВА
Ааптар хаартыскаҕа түһэриитэ