Отчуот: дьон тус ыйытыыта болҕомтоҕо ылыллар
Саха сирин Бырабыыталыстыбатын бэрэссэдээтэлин бастакы солбуйааччыта Алексей Колодезников улус дьаһалтатын дьиэтигэр Тиксии олохтоохторун кытары тус көрүстэ. Маннык көрсүһүүлэри СӨ судаарыстыбаннай былааһын толорор уорганнарын салайааччылара эмиэ ыыттылар.
Бэлиэтээн эттэххэ, Алексей Засимовичка 9 киһи киирэн бэйэтин тус санаатын этиннэ. “Миэстэтигэр салалта кэлэн кыһалҕабытын истэрэ, сүбэ-ама биэрэрэ олус наадалаах уонна туһалаах дии саныыбыт. Сылын аайы ыытыллар отчуоту биһиги күүтэбит”, – диэн олохтоохтор кэпсээтилэр.
Анна Коренюк:
– На личном приеме граждан членами правительственной группы я задавала вопросы по ценообразованию, работе ЖКХ, в частности, по вывозу мусора, по жилфонду, авиарейсам, ценам на авиабилеты, по взлетной полосе и т.д. В основном меня беспокоит, что в подъездах не производится ремонт, мусор не вывозится месяцами, дороги не чистятся. На вопрос о прямом рейсе по маршруту Тикси – Москва был ответ, что пока взлетная полоса не будет соответствовать стандартам (т.е. отремонтирована) такой рейс не будет осуществляться. Думаю, что вопросы будут решаться.
Людмила Горохова:
– Мин ыйытыыларбар толору хоруйдары ылан, олуһун сүргэм көтөҕүллэн таҕыстым. Ол курдук, Саха Өрөспүүбүлүкэтин доруобуйаҕа харыстабылын миниистирин солбуйааччытыгар Людмила Вербицкаяҕа киирэн үлэ уонна хамнас туһунан ыйыталаспыппар, наһаа үчүгэйдик киһиэхэ тиийимтиэтик хоруйдаата. Арктика дьыалаларыгар судаарыстыбаннай кэмитиэт миниистирин бастакы солбуйааччытыгар Иван Павловка киирэ сырыттым. Мин кыыһым Горохова Мария агроном үөрэхтээх, онон Тиксиигэ теплица тутуохпутун баҕарарбытын киниэхэ этинним. Ону кини өйүөх уонна бу бырайыагы программаҕа киллэриэх буолла.
Ону таһынан, биһиги приемнай дьиэ кэргэн буоларбыт быһыытынан, Саха Өрөспүүбүлүкэтин үлэ уонна социальнай сайды миниистирин бастакы солбуйааччытыгар Светлана Сыроваҕа киирэммин наадалаах ыйытыыларбар эппиэт ылан таҕыстым. Биһиги төрөппүт көрүүтэ-истиитэ суох хаалбыт оҕолору иитэбит. Көнө суолга үктэммит төрөппүттэргэ оҕолорун төттөрү биэрэбит. Былааммыт өссө да киэҥ, улахан. Светлана Сырова өйүүрүн биллэрдэ, онон мин киниэхэ махталым муҥура суох.
СӨ Бырабыыталыстыбата төһө даҕаны дойдубутугар ыарахаттар баалларын, кириисис кэмэ буола турарын үрдүнэн олус үчүгэйдик үлэлии олорор дии саныыбын. Тус хоту олохтоохторугар улахан өйөбүл баар. Кинилэр сөпкө үлэлииллэриттэн Сахабыт сирэ сайдар.
Харысхан ПОПОВ
Ааптархаартыскаҕатүһэриитэ