Манан халааттаах кунду ыалдьыт
2012 сыл кулун тутар ый 24 күнүнээ±и 33№-гэр “Арктика Майаа±а» хаһыакка Саха Республикатын народнай депутата, Ил Түмэн государственнай мунньа±ын председателин бастакы солбуйааччыта Елена Алексеева 2012 сыл кутун тутар ый 21 күнүгэр «Земскай доктор» программа±а анаммыт мунньа±ы ыыппытын туоһулуур иһитиннэриини таһаарбыккытын олус да сө±ө-махтайа аахпыппыт.
Бу программанан үлэлии сылдьар ыччаттартан биирдэстэрэ биһиэхэ – Күһүүргэ – баар Мария Ильинична Шепелева 1986 сыл бала±ан ыйын 29 күнүгэр Күһүүргэ күн сирин көрбүтэ. Мария 2004 сыллаахха Күһүүрдээ±и орто оскуоланы ситиһиилээхтик бүтэрээт, Иркутскайдаа±ы государственнай университекка эмчит идэтигэр үөрэнэ киирбитэ. 2010 сылга үөрэ±ин бүтэрэн кэлээт, Тиксиигэ икки сыл о±о бырааһынан үлэтин са±алаабыта. 2012 сылтан төрөөбүт түөлбэтигэр Күһүүргэ кэлэн, о±о бырааһынан үлэлии-хамныы сылдьар. Мария Ильинична үлэтинэн эрэ муІурдаммат, оскуола±а киириэн иннинээ±и саастаах о±олору үөрэтэр-иитэр «Чуораанчык» коллективын кытта былааннаахтык үлэлиир. Төрөппүттэргэ аналлаах түмсүүгэ күүтүүлээх күндү ыалдьыт. Ол курдук, өрө турар ыарыылартан о±ону хайдах эрдэттэн харыстыахха, дьиэ±э туох көмөнү оІоруохха сөбүн, эмкэ сыһыана да суох төрөппүт өйдүүрүн курдук кэпсиир. Мин ону барытын, кыра сиэним Тиксии бөһүөлэгин тоІуутун са±ана кэлэ сылдьар кэмигэр түбэһэн, истэн-үөрэнэн турабын.
Поликлиника±а үлэ чааһын кэнниттэн бииргэ үлэлиир, улахан уопуттаах көмөлөһөөччүтэ Валентина Ивановна Осипова-Шадриналыын дьиэ±э баар о±олорун көрө-истэ, ыалдьыбыттарга көмө±ө, тыалы-буур±аны билиммэккэ, өрүү түбүккэ сылдьаллар. Балыыһабыт кыра, кыара±ас буолан, о±о±о анаан үс эрэ куойка көрүллэр эбит.
Мария Ильинична ийэтэ Евдокия Семеновна Чирикова-Шепелева Баата±айтан төрүттээх-силистээх, Күһүүргэ госбаан баар эрдэ±инэ үлэлии кэлбит. Өр сылларга баан управляющайынан үлэлээбитэ. А±ата Шепелев Илья Егорович Күһүүр олохтоо±о, бочуоттаах сынньалаІІа олорор. Евдокия Семеновна барахсан билигин 1 группалаах инбэлиит, кыыһа Маша иһирэх сыһыанынан, көрүүтүнэн-харайыытынан саІа күнү көрсөр...
Мария Ильинична: «Олох хаамыыта олус түргэн. Мин бүгүІІү сыалым – о±о-аймах доруобай буола улааталларын туһугар. Доруобай эрэ о±о “дьоллоох о±о саас” диэн тугун билэр, үөрэ-көтө сылдьар. Түгэнинэн туһанан, «Земскай доктор» программаны тэрийбиттэригэр Саха сирин правительствотыгар, доруобуйа харыстабытын министерствотыгар махталым улахан» – диир.
ИстиІ ба±айытык саІа кэпсэтэн эрдэхпитинэ, балыыһа телефонун тыаһа тырылыы түстэ, ону кытта Мария Ильинична түргэн үлүгэрдик хомунан тахсан барда. Ити аата кимиэхэ эрэ кини көмөтө наада буолла...
Эдэр эмчит, саха-нарын кыыһа Мария, уһук хоту сир о±олоро доруобай буола улааталларыгар киэІ билиигин туһанан үлэлээ, уопутуран ис диэн ба±а санаа бастыІын эйиэхэ аныыбын.
Лидия ТОГУЛЛАХОВА,
Күһүүр