Культура эйгэтигэр анаммыт сылы үчүгэйдик саҕалаатылар
Культуура эйгэтэ хас биирдиибит сурэҕин долгутар, иэйиини-дуоһуйууну, үөрүүнү-көтүүнү, толкуйу үксэтэр күүстээх сүүрээн. Киэҥ Россия үрдүнэн мээнэҕэ биһиги бырабыытылыстыбабыт культура сайдыытын сылынан биллэрбэтэҕэ чахчы…
2014 сылы көрсө биһиги улууспут киинигэр Тиксиигэ «Айхал» кулуубу өрөмүөннээн, аҕыйах ахсааннаах норуоттар сынньанар, сайдар кииннэригэр кубулутуллан үлэтин саҕалаата…
Тохсунньу ый 12 күнүгэр культурнай-спортивнай комплекска киэһэ 6 чаастан «В тридевятом королевстве» музыкальнай шоуга дьон-сэргэ тоҕуоруһа мустубут. Музыка, театрдыы дьүһүйүү, үҥкүүтэ-битиитэ, оруоллары-уобарастары арыйааччылар, толорооччулар таһымнара үрдүгэ көрөөччүлэри сөхтөрдө. Шоу пародиялары туруорааччылар уонна музыканы таҥааччылар: Саргылана Соловьева, Вида Яковлева, үҥкүү туруорааччы Вида Яковлева олус да кыһанан дьоҥҥо өйдөнөрдүү туруорбуттар. Аны толорооччу, оруолларга оонньооччулар!…киһи эрэ сөҕүөх, бэйэҕит кэлэн көрбүккүт ордук буолуо этэ.Көстүүмнэрин, туттар малы-салы, уопсай сыана оформлениятын Ирина Филиппова ымпыгар-чымпыгар тиийэ толкуйдаабыта сөхтөрдө. Олус ыарахан хайысханы «дьүһүйүүнү», иллээх-эйэлээх кэллэктиип кыайа тутан көрөөччүлэр дуоһуйа сынньанан, күлбэтэхпитин күлэн тарҕастыбыт. Культурнай-спортивнай комплекс айар кэллэктиибэ тэҥҥэ сылдьыбыт, үлэлэспит, кыттыбыт артыыстарга, толорооччуларга махталлара улахан. «Кинилэрдээх буолан, бүгүн биһиги көрөөччүлэрбит, астына-дуоһуйа сынньаналлар»-диэн.
2014 сыл культура эйгэтигэр анаммыт сылы олус үчүгэйдик саҕалаатылар диэн санаалаахпын. Инникитин даҕаны бииртэн биир саҥа саҕахтары арыйан хоту дойдум хоһуун дьоно өрүү кэлэн үөрэ-көтө сынньанан баралларыгар араас өрүттээх сынньалаҥнары тэрийэ туруохтара турдаҕа.
Лидия ТОГУЛЛАХОВА,
Саха Өрөспүүбүлүкэтин культуратын туйгуна