Президеммит Ыйааҕар эрэнэбит
Иннинэн сирэйдээх өйүгэр кыайан сатаан батаран киллэрбэт быһылаана буолла. Баара-суоҕа 9 эрэ саастаах Сайыына Корякина, ким эрэ дьалаҕай, үлэтигэр эппиэтинэһэ суохтук сыһыаннаспытыттан, күн сиригэр салгыы олох олорор тыына быһынна. Бу туһунан кулун тутар 13 күнүгэр РФ Саха сиринээҕи силиэстийэлиир кэмитиэтин силиэстийэлиир управлениетын салайааччыта Олег Мезрин барыллаан силиэстийэ түмүгүн иһитиннэриитин кэмигэр эттэ. Ол курдук, РФ Холуобунай Кодексын 293 ыстатыйатын 2 чааһынан (“Халатность”) буруйдааҕынан “Тиксии бөһүөлэгэ” муниципальнай тэриллии баһылыга С.Н. Лиджиев билинилиннэ. Дуоһунастаах сирэй бэйэтин эбээһинэһин толорботоҕун эбэтэр буолуохтааҕын курдук оҥорботоҕун түмүгэр киһи доруобуйата эмсэҕэлэммит эбэтэр өлүүгэ тиийбит буоллаҕына маннык ыстатыйа туттуллар.
Эрдэ иһитиннэрбиппит курдук, кулун тутар 10 күнүгэр киэһэ 9 чаас 15 мүнүүтэҕэ Академик Федоров аатынан уулусса 27 нүөмэрдээх дьиэтин чугаһыгар оҕо өлүгүн гидрометсулууспа үлэһитэ булан, полицияҕа тыллабыр оҥорбута. Тута анал дуоһунастаах дьон үлэ ыытан, оҕо ыт ытырыытыттан өлбүт буолуон сөбүн быһаарбыттара. Түүнү быһа “ватсап” социальнай ситиминэн сарсыарда дьаһалта иннигэр мустан миитин оҥорорго ыҥырыы тилийэ сүүрбүтэ. Оруобуна ити кэмҥэ СР Правительствотын сыллааҕы үлэни отчуоттуур председатель солбуйааччыта П.А. Маринычев салайааччылаах бөлөх Тиксиигэ баара. Онно сөп түбэһиннэрэн, дьон санаатын аһаҕастык этиммитэ. Салгыы суһал дьаһаллары ылан, үлэни ыыталларын туруорсубуттара, олохтоох былаас хайаан да бу иэдээҥҥэ эппиэти сүгүөхтээҕин модьуйбуттара. Бу туһунан сиһилии суруйан турабыт.
Биһиэхэ буолбут быһылаан бүтүн республика дьонун дьиксиннэрдэ, уйадытта. Бэйэлэрин улуустарыгар эмиэ маннык куттал суоһуурун этиннилэр. Республика президенэ Е.А. Борисов бэйэтин официальнай сайтыгар санаатын суруйан таһаарда. Манна Беркакикка, онтон биир да ый ааһа илигинэ Тиксиигэ буолбут “ыт дьайыытыттан оҕо өлбүт” түбэлтэлэрэ барыбыт кутурҕаммыт буоларын биллэрэн туран, буруйдаахтар хайаан да эппиэтинэскэ тардыллыахтаахтарын эттэ:
О трагедии в Тикси
Не прошло и месяца, как в Беркаките одичавшие псы унесли жизнь мальчика. И вот теперь еще одна чудовищная смерть ребенка в Тикси. Виновные обязательно понесут ответственность, хотя это и не утешит родителей, потерявших любимую дочь.
В эти дни в мой адрес поступают обращения от граждан и общественных организаций с призывами защитить население от бродячих собак. Люди просят разрешить отлов и отстрел собак, находящихся в общественных местах без намордника и поводка.
Но замечу, что не все адекватно воспринимают необходимость ликвидации безнадзорных животных. Если помните, похожая ситуация складывалась в прошлом году с волками. Тогда некоторые пытались воспрепятствовать регулированию численности волков в республике, ссылаясь на отдельные законы, не учитывающие особенности Якутии. Тем не менее, мы приняли соответствующие меры и напряжение сняли.
Точно так же определенные круги ссылаются на несовершенство законодательства по регулированию численности собак. Да, действительно прямой отстрел собак запрещен. Но это не значит, что мы должны сидеть сложа руки и ждать новых жертв. Мириться с этим больше нельзя.
Вчера, находясь в Москве, я еще раз дал поручение подготовить указ о дополнительных мерах по регулированию численности бродячих собак в поселениях республики. А дальше нам необходимо принятие республиканского закона, приравнивающего безнадзорных собак к диким животным, представляющим угрозу жизни и здоровью людей.
Егор БОРИСОВ,
президент Республики Саха (Якутия)
из официального сайта от 12.03.14 г.
Нерюнгри уонна Булуҥ оройуоннарыгар тахсыбыт иэдээн барыбытыгар сэрэтии буоларын өйдүөххэ наада.
Онон, салгыы мин, эн оҕолорбут ыраас салгынынан тыына таһырдьа куттала суох дьаарбайалларын хааччыйыыга эппиэтинэһи сүгэр дьон үлэлэрин күүһүрдэллэригэр, кыыллаахтар, харамайдаахтар анал быраабылалары тутуһалларыгар эрэнэбит. Суут-сокуон төһө да харгыстары үөскэттэр, биһиги президеммит бэйдиэ сылдьар ыттар ахсааннарын аҕыйатар сыалга эбии миэрэлэри ылар туһунан Ыйааҕа биир тулхадыйбат докумуон буоларыгар саарбахтаабаппыт.
Полина Николаева