Атыы-эргиэн – бөһүөлэк тыын боппуруоһа
Бүгүн Таймылыыр нэһилиэгэр социальнай суолталаах бородууктаннан хааччыллыыга тахса сылдьыбыт ыарахаттар туоратыллыбыттар. Нэһилиэк баһылыга А.А. Андросов дьону кэпсэтэн, бэйэлэрин күүстэринэн түөрт «Буранынан” Саскылаах оптовай базатыттан бурдук, сахар тиэйэн аҕалбыттара көмө буолбут. Соторутааҕыта биир рейс вертолет сибиэһэй аһылык аҕалбыт. Аҕыйах да буоллар, дьоҥҥо барытыгар тиийэрин курдук нуорманнан атыылаабыттар. Билигин икки вездеход эбии бородуукта ыла бараары бэлэмнэнэ сылдьар.
Атын чааһынай маҕаһыыннарга бурдук, сахар, чээй атыыламмытын курдук атыылана турар. Дьон долгуйа сылдьыбыта диэн чэпчэки сыаналаах бурдук, сахар быстах кэмҥэ бүппүтэ. Быйылгы бородуукта сайаапката кыһыҥҥы суол аһыллыытыгар тиийэр диэн суоттанан оҥоһуллубут да, баар сапаас эрдэ бүппүтэ кыһалҕа буолла. Бу иннинэ куруук сылтан сыл бурдук, саахар сапаас хаалара. Урут маннык түбэлтэ тахсыбатах буолан, дьоҥҥо эрэйи үөскэппит (чэпчэки сыаналаах бурдук саахар атыыга куруук баарыгар үөрэммит дьоҥҥо). Арыый ыарахан сыаналаах да буоллар, сүрүн бородуукта чааһынай маҕаһыыннарга атыылана турбуттар. Сорох ардыгар кыраттан да, улахан уот күөдьүйэр диэн, мээнэҕэ этиллибэт. Сапаас туһунан этэр буолахха, билигин урукку атыыһыт хаһаайыннартан хаалбыт биэс туонна бурдук сытар бэрт эрэйинэн тиэллэн кэлэн баран. Бириэмэтигэр хаачыстыбата мөлтөх буолан, атыыга барбатах, туһата суох.
Муодунай ааттаах «консигнатор” дэнэр билигин ити кэлэр социальнай суолталаах бородууктаны аһаҕас акционернай уопсастыба «Якутопторг» тэрилтэлиин дуогабар түһэрсэн, «Таймылыыр» унитарнай хаһаайыстыба атыылыыр эбит. Урут хас да чааһынай маҕаһыыннар тута сылдьан баран аккаастаммыттар. Консигнатор бэйэтэ ороскуотун сабынар эбит – харайыытын, харабылын, үлэһитин хамнаһын – ол тэрилтэҕэ эбии элбэх ороскуоту төлүүрүгэр тиэрдэр. Дуогабарга биир кытаанах усулуобуйата атыылаа да, ситэ атыылаама да, графигар харчытын түһэрэн иһиэхтээххин. Улахан тэрилтэ буолан, «Таймылыыр» унитарнай хаһаайыстыба кыһалҕа да буоллар, бириэмэтигэр төлөөн иһэр. Кыратык да хойутаттахха «аҕыс айдаан” тахсар. Хотугу кыра бөһүөлэк олоҕун билэр киьи өйдүөх курдук, биир ыйга төһө тыыннаах харчы дьоҥҥо кэлэрин - пенсия, бюджет үлэһитин хамнаһа. Маҕаһыыҥҥа киирэр дохуот элбэх буолбатаҕын. Ол иһин да, кыра чааһынай маҕаһыын кыамматаҕа биллэр. Онон кыахтаах үөһээҥҥи тэрилтэ «Якутоптторг» бэйэтин кыра маҕаһыыннарын арыммакка, бэйэлэрэ кыһалҕалаах тыа олохтоохторун эбии «төбө ыарыытыгар» тэппитин сатаан өйдөөбөтүм.
Баҕар сыыһырам буолуо гынан баран, атыыһыт атыылыахтаах, тыа сирин үлэһитэ бэйэтин тустаах үлэтинэн дьарыктаныахтаах. Бу күннэргэ МУП сылгытын эмис этэ атыыга хамаҕатык бара турар, дьоннор үөрэ-көтө атыылыһа тураллар. Оҕо дьоҥҥо наадалаах минньигэс ас арааһын, халбаһыыга, табахха тиийэ, Сааскылаахтан кэлбит урбаанньыттар атыылаатылар. Онон атыы-кутуу сэргэх бу күннэргэ. Сотору кыһыҥҥы суол арылыннаҕына элбэх кыһалҕаны быһаарара биллэр.
Биһиэхэ, хоту дьонугар ананан биллэриллибит «Арктика сыла» ааһан эрэр, оттон бородууктаннан хааччыллыыбыт боппуруоһа олус бытаан.
Глава наслега А.А. Андросов с односельчанами на четырех «Буранах» завезли из оптового склада с. Саскылах муку и сахар. Недавно вертолетом доставили свежие продукты. Так как количество завезенных продуктов ограничено, населению они распределялись так, чтобы всем досталось. Сейчас готовят два вездехода для осуществления завоза продуктов в Таймылыр.
Вся ситуация с нехваткой социально значимых товаров для населения возникла из-за того, что заявка была сформирована с учетом заявок за предыдущие годы. В предыдущие годы количество заявленных продуктов всегда оставалось с запасом до открытия зимника. Если раньше хватало продуктов, то нынче заказанного количества продуктов не хватило. В магазинах у индивидуальных предпринимателей все продукты имеются, но по чуть завышенной цене. Население привыкло, что всегда в продаже имелись мука и сахар по цене дешевле, чем у предпринимателей.
В эти дни в продажу поступила жирная жеребятина МУП «Таймылырское». Сладости, которые так любят дети, колбасу, которая нравится всем, продают предприниматели, приехавшие из с. Саскылах Анабарского района.
Скоро откроется автозимник, он решит немало проблем сельских жителей.
Татьяна Слепцова,
общ.корр.