Анаабыртан ыалдьыттар
Булуҥ аатырбыт булчута, улуу киһи, Ленин орденын кавалера Спиридон Иванович Антонов хос сиэнэ – Антоша Антонов Таймылыырга ыалдыттаан барда. Үс саастаах Антон «Бураанынын» Анаабыр Улахан Күөлүттэн уһун айаны айаннаан кэлбит. Аҕата – Молот Сергеевич Антонов – булчут, ийэтэ – Лена – социальнай тэрилтэ үлэһитэ. Антоша төрөппүттэрин уонна эһэлээх эбэтин кытта айанаан кэлбиттэр. Уол сүрдээх сытыы-хотуу киһи – сүүрүүнэн эрэ сылдьар.
Кэрэхсэбиллээҕэ диэн, ыалдьыттар мааны тирии таҥастаах дьон эбиттэр. Бары кырса тириитэ истээх сонноохтор. Эбэлэрэ иистэнньэҥ буолан улаханныын-кыралыын барыларын таҥастаан-саптаан ичигэстик таҥыннартыыр. Ол туоһутунан буолар ханнык баҕарар айаҥҥа туруннахтарына эбээлэрэ тикпит тирии таҥастарын куруук кэтэллэрэ. Антоша айанныырга бэрт үчүгэй оҥоһуулаах кибииткэ сыарҕалаах эбит. Ийэтэ туундара киһитэ буолан, «Буранынан” бэркэ айанныыр эбит. Этэҥҥэ Антоша эһэтин – хоһуун киһини Спиридон Ивановиһы «туйаҕын хатарар” киһи буолан улаатыаҕа диэммин көрөбүн. Таймылыыр ыалдьыттара дойдуларыгар, отучча көстөөх сиргэ, Сааскылаахха айаҥҥа турдулар. Бу курдук Хоту дойду хоһууннара олох кыра саастарыттан улахан дьону кытта тэбис-тэҥҥэ тымныыны-тымныы диэбэккэ, тыалтан куттаммакка, ыраах айаҥҥа сылдьарга үөрэнэллэр, төрүттэрин көс олохторугар кыра эрдэхтэриттэн сысталлар.
Татьяна Слепцова,
общ.корр.