Дьоро киэhэни бэлэхтээн
Олунньу 23 күнэ – Россия туох баар эр дьонун бырааһынньыгынан буолар – сулууспалаабыт, сулууспалыы сылдьар, сулууспалыахтаах эр дьон. Бу бэлиэ күн, эр дьон кэрэ аҥардартан сэмэй бэлэх күүтэллэр.
Ол курдук кэрэ аҥардар олунньу 23 күнүгэр «Айхалга» Ийэ дойдуну көмүскээччилэргэ анаан ырыалаах, үҥкүүлээх дьоро киэһэни бэлэх ууннулар. Кэнсиэри эрдэлэппэккэ-хойутаппакка, буолуохтаах кэмигэр оҥорон саҕалаатылар. Бу дьоро киэһэҕэ Тиксиитээҕи байыаннай чааска сулууспалыы сылдьар саллааттары ыҥырбыттара үөрүүлээх.
Бырааһынньыгы "Дьүөгэлэр" ырыанан үс кэрэ куо арыйдылар. Улуус баһылыга К.Н. Шахурдин эр дьоҥҥо бэйэтин эҕэрдэ тылын, баҕа санаатын эттэ. Кэнсиэри Искусство оскуолатын иитиллээччилэрэ үҥкүүлээн киэргэтэн биэрдилэр. Тиксии маҥнайгы нүөмэрдээх оскуолатын үөрэнээччитэ Дубова Настя патриотическай ырыанан дьон сүрэҕин долгутта. Эр дьоҥҥо анаммыт үөрүүлээх киэһэни кэрэ аҥардар ырыанан түмүктээтилэр.
Харысхан ПОПОВ
Ааптар хаартыската