Кирэдьиит хабалата
Оройуоннааҕы библиотека Өрөспүүбүлүкэҕэ тахсар “Саха сирэ”, “Якутия”, “Забота Арчы”, “Илкэн”, “Кыым” хаһыаттарга араас сурунаалларга сурутар, ону Трусов уул. 8 нөүмэригэр үһүс этээскэ баар “ааҕар саалаҕа” кэлэн ааҕыаххытын, бэйэҕитигэр олус наадалаах матырыйааллары, мунаахсыйбыт ыйытыыларгытыгар эппиэттэри булуоххутун, сурунуоххутун сөп. Ити чэрчитинэн: билҥҥи кэмҥэ дьон үгүстэрэ баантан кирэдьиит ылар баҕаттан баан ирдэбиллэригэр соччо аахайбакка эрэ докумуоҥҥа илии баттыырга күһэллэр, түмүгэр ылбыт суумманы төлүүллэр...
Кирэдьиит ылбыттар үгүс аҥаардара олох араас түгэннэригэр түбэһэн хойутатар, сатаан төлөөбөт түгэннэрэ тосхойон “харчыгын хаһан төлүүгүн” о.д.а. смс-нан да төлөпүөҥҥэр күнүстэри-түүннэри эрийэн ыххайыыга түбэһэн ньиэрбэлэрэ сиэнэр, устунан дьон ыалдьан арааска тиийбит түгэннэрэ да суох буолбатахтар. Манна уопуттаах, билиилээх-көрүүлээх юристар сүбэлэрэ, мэһэйдэрэ хайаан да наадалааҕын туһунан “Бааҥҥа албыннатыма” диэн “Саха сирэ” хаһыат бу сыл 76 нүөмэригэр, от ыйын 14 күнүнээҕи 07 балаһаҕа баар Александр Тарасов суруйуутун кытта билсиһиҥ.
Матырыйаалы бэлэмнээтэ
В. СТРУЧКОВА