Аэропортар оҥоһуулара былаан быһыытынан ыытыллыаҕа
РоссияавиациятынсалайааччытаАлександрНерадькобукүннэргэСахасиригэравиациятөрүттэммитэ 90 сыллаахүбүлүөйүгэркыттыыныылла
Тэрээһин чэрчитинэн Александр Нерадько өрөспүүбүлүкэ салалтатын кытта үйэ кэриҥэ историялаах бөдөҥ салаа салгыы сайдыытын туһунан кэпсэттилэр. Ол курдук, “Аэропорты Севера” федеральнай казеннай тэрилтэ иһинэн баар аэропортары саҥардыыны өрөспүүбүлүкэ туруорсубута хас эмэ сыл буолла. Ол иһигэр Тиксии пуорда, улахан туруорсуу кэнниттэн, бу тэрилтэ бас билиитигэр киллэриллибитэ.
Быһааран кэпсиир буоллахха, «Аэропорты Севера» тэрилтэ СӨ киин, илин уонна Арктика зонатыгар уонна Магадан уобалаһыгар 25 аэропорт холбоһуктарын салайар. Сүрүн сыаллара Уһук хоту улуустар кыра уйуктаах аэропортарын үлэлэтии, инфраструктуратын сайыннарыы буолар. Ол эбэтэр бу тэрилтэҕэ киирбит аэропортар федеральнай сыаллаах программаларга киирсэн, көтөр аал көтөр-түһэр балаһаларын өрөмүөннэтэллэригэр, анал техника ылалларыгар, сүрүн фондаларын саҥардалларыгар үбүлэтэллэр, атын ис сыалга субсидия ылаллар.
Онон Росавиация баһылыга Александр Нерадько уонна СӨ Ил Дархана Егор Борисов сүбэ мунньахтарыгар саҥа аэропортары тутуу уонна саҥардан оҥоруу боппуруоһа бастакынан таарылынна. Онуоха Александр Нерадько: “Билигин “Аэропорты Севера” тэрилтэ ис тутулун олохтоохтук булунна, онон федеральнай программанан былааҥҥа киирбит 17 аэропорт тутуутун уонна саҥардыллан оҥоруутун салгыы ыытыахпыт”, – диэтэ.
Маны сэргэ, көтөр ааллар эргэрбиттэринэн, саҥа салгын судноларын атыылаһар сорук турар. Оччотугар балаһалар онно сөп түбэһиэхтээхтэр. Онон, биирэ биирин ситимнээн, үлэ барыахтаах.
Өскөтүн түргэн тэтимнээхтик бу үлэ ыытыллыбатаҕына – Уһук хоту уонна Арктика улуустарын олохтоохторо киини кытта сибээстэригэр улахан харгыстар үөскүөхтэрин сөп. Тоҕо диэтэххэ, салгын суола ыраах сытар сирдэргэ – соҕотох көрүҥ буолар.
Полина НИКОЛАЕВА