Маннык күрэхтэр оҕолорго сиэр-майгы патриотическай тыыны иитэллэр
Олунньу 29 күнүгэр Тиксиитээҕи 1 №- дээх оскуолата алын кылаас оҕолоругар патриотическай иитиигэ аналлаах ырыа күрэҕин ыытта. Оҕолор бары бэрт тэрээһиннээхтик бойобуой, байыаннай ырыалары ыллаан дуораттылар.
Күрэҕи маҥнайгы кылаас кырачааннара аатырбыт “Катюша” ырыанан астылар. Ырыа кэнниттэн уол уонна кыыс хоһоон ааҕан ньиргиттилэр. Ол кэннэ утуу-субуу 2-с, 3-с уонна 4-с кылаас оҕолоро ырыаларын ыллаатылар. 3-с кылаас оҕолоро “Идет солдат по городу” ырыаны бэрт чуолкайдык толордулар.
Ол курдук маҥнайгы миэстэни 3-с уонна 1 кылаас оҕолоро үллэһиннилэр, иккис миэстэҕэ 2-с кылаас оҕолоро таҕыстылар уонна улахан дьон быһыытынан үһүс миэстэни 4-с кылаас оҕолоро ыллылар.
Оҕолорбутун маннык патриоттуу иитиигэ, Ийэ дойдуларын историятын билэллэригэр кыра эрдэхтэриттэн үөрэтиэххэ наада. Оҕолорго бу түгэн умнуллубаттыы хаалыа.
Харысхан ПОПОВ
Ааптар хаартыскалара