Дьокуускай төрөөбут күнэ
382 сыл анараа өттүгэр Туймаада хочотугар бастакы остуруок тутуллубута. Ити кэмтэн, история хас биирдии күнэ күндү буолан, бүгүн дьоллоох Дьокуускай төрөөбүт күнүн бэлиэтиир. Ол курдук балаҕан ыйын 14 күнүгэр Сахабыт сирин Киин куората чаҕылхай күннээх халлаан анныгар үөрүүнэн-көтүүнэн туолла. Киэркэйбит болуоссаттарга куорат маанылаах дьоно уонна ыалдьыттара бииртэн биир тэрээһиннэргэ кыттан, концерт көрөн, тэҥҥэ үҥкүүлэһэн бэһиэлэйдээтилэр.
Быйыл республикабытыгар Арктика сыла биллэриллэн уһук хоту түөлбэлээн олорор омуктарга ураты болҕомто ууруллар. Ол курдук бу соторутааҕыта Арктика дьыаларагыгар кэмитиэт тэриллэрин туһунан докумуон ылыллыбыта. Бу кэмитиэт, биллэн турар, бэйэтин биир бастакы соугунан төрүт дьарыгынан бэйэтин ииттинэн олорор эбээн, эбэҥки уонна да атын аҕыйах ахсааннаах норуоттар кыһалҕаларын миэстэтигэр тиийэн быһаарсыылара, үлэ ыытыылара буолара саарбахтаммат.
Дьокуускай куорат чэрчитинэн бу ураты суолталаах сылга эмиэ болҕомто уурдулар. Ол курдук Ленин аатынан болуоссакка хоту дойду туруук таас хайаларын, тунаарар туундара салгыннара илгийэргэ дылы гынна. «Һээдьоо-һээдьоо» диэн туундара киэҥ киэлитин биир тыынынан сатыылыыр дорҕоон көрөөччүлэри абылаата.
Бэйэ инф.,
хаартыска архыыптан