Күһүүргэ – музей
Былыргы гректэргэ музей искусство храма диэн ѳйдѳнѳрѳ. Билиңңи кэмңэ музей – история, культура, искусство ѳйдѳбүнньүктэрин түмүү. Бэйэ норуотун туһунан ѳйдѳбүнньүгэ суох норуот кэхтэр, сыыйа историческай этнос быһыытынан сүтэн, симэлийэн барар.
Музейы тэрийии биир күннээх үлэ буолбатах. Бу элбэх үлэттэн, сыраттан-сылбаттан тахсар: экспонаттары, ахтыылары хомуйууттан, улуус, нэһилиэк историятын үѳрэтииттэн саҕаланара чахчы.
Бу күннэргэ үѳрүүлээх быһыыга-майгыга биһиги бѳһүѳлэкпитигэр улуус, нэһилиэк историятын үѳрэтэр музей аһыллыыта буолла. Бу долгутуулаах аһыллыыга нэһилиэк олохтоохторо, улуус баһылыга Шахурдин К.Н., Саха Республикатын үтүѳлээх ырыаһыта, биир дойдулаахпыт Екатерина Саввинова-Саина кыттыыны ыллылар. Кэлбит ыалдьыттар, олохтоохтор: С.С. Шамаев «Спорт уонна туризм» салааҕа, С.И. Сергеев, Р.К. Кулакова «Родная Арктика» салааҕа бэйэлэрин сэмэй кылааттарын киллэрдилэр. Бу үѳрүүлээх түгэни һээдьэ үӊкүүнэн түмүктээтилэр.
Музей талааннаах педагог А.Е Болтунова кѳҕүлээһининэн уонна кыһамньытынан үлэтин саҕалаата. Музей аҕыс кѳрдѳрѳр салаалаах: «Нэһилиэк историята», «Үѳрэҕирии», «Доруобуйа харыстабыла», «Тыа хаһаайыстыбата», «Спорт уонна туризм», «Арктика, эн дьонуӊ», «Тѳрѳѳбүт дойдум – Арктика», «Нэһилиэк культуратын историята». Биир улахан миэстэни 50-ча тыыл, үлэ ветераннарын ахтыылара ылаллар.
Анастасия Егоровна бу кэскиллээх үлэтигэр нэһилиэк олохтоохторо туора туран хаалбакка, күүс-кѳмѳ буолуохтара диэн эрэниллэр. Кини бу саҕалааһыныгар ѳйѳбүл буолбут дьонугар, чуолаан Протопопова З.В., Павлова В.В. уонна ветераннар түмсүүлэригэр бэйэтин махталын тиэрдэр.
Н.Ф. Попова,
общкорр