Кыстыкка бэлэмнэнии үлэлэрэ
Хара-Уулаах нэһилиэгин киин хочуолунайыгар кыһыҥҥыга бэлэмнэнии үлэтэ күргүөмнээхтик бара турар.
Үлэни ТТХ маастарын эбээһинэһин толорооччу Черкашин Иван Николаевич салайан ыытар, үлэ хаамыытын туһунан кылгастык билиһиннэрэр.
– Оттукка, өрөмүөҥҥэ, кыстыкка бэлэмнэнии үлэтэ былаан быһыытынан бара турар. Ол курдук үс саҥа хочуолу хомуйан туруоруохтаахпыт. Урут саппааска кэлбит хочуолу киллэрэн олортубут уонна кыһын икки Ижевскэй собуотугар оҥоһуллубут КВА-0.93 гм. хочуоллар кэлбиттэрэ, олортон бүгүн биирин киллэрдибит, сарсын иккиһин киллэриэхпит. Хочуолларбыт түөрт аҥаардыы туонна ыйааһыннаахтар. Бензовоспутунан тартарабыт, онтубут ойоҕоһуттан тардар маневра суох буолан, «Приморскай” МУТтан техника көрдөспүппүт, МУТ директора В.В. Алексеев МТЗ трактор биэрбитэ, онтубут хата оннук маневрдаах буолан, уҥа-хаҥас тардан кыратык сыҕарытан, көмөлөһөн, хочуолларбытын бэрт эрэйэ суох киллэртээн эрэбит.
Үһүөннэрин киллэртээн бүттэхпитинэ отопительнай уонна вентиляционнай систиэмэлэрин холботолоон баран бэрэбиэркэлээн көрүөхпүт. Форсуункаларын сакаастаабыттара, сайын кэлиэхтэрэ.
– Хочуоллар үлэлэрэ бүттэҕинэ тыраассаларга тахсар буоллаххыт.
– Тахсан, онно икки сиринэн тэстии баар, уончалыы миэтирэ турба уларытыахпыт, уоннааҕы үлэлэри маастар уоппускаттан таҕыстаҕына быһаарыа.
Федот АММОСОВ, общкор
Хара-Уулаах нэһ.